تمسكن حتى يتمكن
فكروا يتحكم فينا
تمسكن حتى يتمكن
على اطباعو يمشينا
ليك وين بعدو صاحبنا
جاى بلعبة يلعبنا
منعرف كل دواوينا
***
لابس شعار الوفا
منعرف مش توبو هالتوب
متل العم بيطلب دفا
فوق النار بعز الشوب
وبعدو مكفى العابو
ونحنا غيبنا كتابو
وكل امورو فاهمينا
***
بيحكى الكلمة عالهدا
تايقنعنا بالافكار
ماخلا بدربو حدا
رماد مخبى تحتو النار
ولما نكون مقابيلو
عم يتذاكى بتمثيلو
وكل فنونو حافظينا